Tayna është padyshim një ndër reperet më të sukseshme shqiptare. Pak ditë më parë, reperja publikoi projektin më të fundit që mban titullin “Qe Qe”, kënga e cila ka patur një impakt të mirë nga publiku, duke thyer rekord klikimesh brenda 24 orëve.
Tayna ka firmosur një kontratë me shtëpinë diskografike, Sony Music si dhe gjithashtu ka bërë me dije se ka në plan bashkëpunime dhe me artistë të huaj, por që për shkak të pandemisë, ata janë shtyrë. Por për të arritur realizuar ëndrrën e saj, artistes i është dashur të heqë dorë nga një sërë gjërash.
Në një intervistë për ‘Prive’, Tayna tha: “Privatësinë ndoshta, nuk kam shumë se çdo gjë që bëj merret vesh edhe më shumë ruhem edhe nuk dal shumë me shoqnin për shembull ose me pi kafe. Veç jashtë ku s’më njeh kurrkush por në Kosovë nuk e preferoj. Kjo ka ndryshuar më së shumti.”
