Gjithë çfarë na hahet me shumicë gjatë verës janë frutat, por ajo që ndoshta s’dini apo injoroni janë të mirat që vijnë nga lëkura e tyre.
Shumica prej nesh i hedhin lëkurat e frutave në kosh kur në fakt, ajo që duhet të filloni të bëni, është t’i hani. Lëkurat e frutave, jo vetëm janë të ngrënshme, por të mbushur me ushqyes të mirë për shëndetin.
Lëkura mund të përmbajë 3-4 herë më tepër fibra se sa fruti brenda. Fibrat janë të rëndësishme për trupin, pasi largojnë toksinat. Lëkura përmban gjithashtu antioksidantë dhe vitamina dhe është e varfër në kalori, yndyrna dhe sheqerna.
Për disa fruta si portokallet, lëkura përmban shumë më tepër vitaminë C se lëngu. Lëkura e portokalleve të freskëta përmban vitamina A, B dhe minerale si zinku, kalciumi, seleni dhe mangani. Si t’i konsumoni? Futini në sallatë ose shtoni pak lëkurë perzierjen e një lëngu frutash.
Lëkura e bananeve rrit nivelet e serotoninës, e cila përmirëson gjendjen tuaj shpirtërore. Ajo është burim i mirë kaliumi dhe mban fibra të tretshme (ul nivelet e kolesterolit të keq) dhe të patretshme (e mban traktin gastrointestinal në lëvizje). Në disa vende të botës është i zakonshëm gatimi i lëkurave të bananes. Ju shtoni një copë lëkurë në një lëng të shtrydhur ose bëjeni pure dhe hidhni disa lugë të vogla në recetat e kekut.
Lëkurat e shalqinit janë një tjetër burim i vitaminës C, vitaminës B6 dhe citrulinës, një aminoacidi që ndihmon në zgjerimin e enëve të gjakut, duke përmirësuar qarkullimine gjakut. Hiqni lëkurën jeshile, ndërsa lëkurën e bardhë futeni në mikser dhe shtrydheni bashkë me pjesën rozë të shalqinit.
Këshillë: Bëni kujdes me larjen e tyre dhe mos harroni farat! Farat e ananasit janë pak të forta, por shumë ushqyese dhe me efekte pastruese për trupin.
