Deputeti: “Sot bëtë një tjetër tallje me reformën në drejtësi, vazhdoni në mbrojtje Olta Xhaçkën, liruat nga burgu Saimir Tahirin. Do të dilni si e vetmja maxhorancë, që merr një mbrojtje një ministre dhe deputete për të marrë statusin e investitorit strategjik. Qytetarët nuk kanë bukë të hanë. ministrja ka 5 mln euro për të bërë hotel në bregdet.
Këshilli i Legjislacionit i la kohë 3 javë ekspertit Krenar Loloçi për t’iu përgjigjur pyetjeve të anëtarëve të Këshillit për vendimin e Gjykatës Kushtetuese mbi çështjen “Xhaçka”.
Rreth 10 pyetje ekspertit iu drejtuan nga deputetët socialistë dhe disa pyetje edhe nga Enkelejd Alibeaj.
Ndërkohë, Gazment Bardhi akuzoi palët e maxhorancës se me marrjen e ekspertit po kërkojnë të zvarrisin zbatimin e vendimit të Gjykatës Kushtetuese.
“Siç e kemi paralajmëruar është thjesht strategji për të zvarritur zbatuar vendimin e Gjykatës Kushtetuese, strategji për të marrë në mbrojtje ministren Olta Xhaçkën. Thatë se do e zgjidhnit vetë ekspertin, duhet të bëni publik emrin e tij. Na japin leksione për reformën në drejtësi dhe në një sprovë për të zbatuar vendimin e gjykatës, ju po e zvarrisni. Kanë marrë dhe dy muaj kohë pushim, sot kanë ndryshuar atë çfarë kanë thënë herën e kaluar. Do marrin dhe 3 muaj kohë se do thonë eksperti ka shumë punë. Tallje e marre me gjykatën dhe kushtetutën, zvarritje e procesit. Nëse keni vendosur ta sfidoni gjykatën duhet ta bëni vetëm. Nuk ka çfarë të përmirësojë kuvendi në ligjet e reformës në drejtësi kur ju talleni me vendimin e Gjykatës Kushtetuese. Nuk jemi ne që vendosim nëse Xhaçka ka shkelur kushtetutën, por Gjykata Kushtetuese. Keni një vit që po e zvarritni çështjen. Është absurd kjo që po bëni, zbatoni vendimin e gjykatës. Nëse doni të bëni tallje, profesionisti që merr detyrën për të dhënë opinion është të bëhesh pjesë e talljes. Ju vazhdoni talluni me reformën në drejtësi, liruat Tahirin dhe po mbroni Xhaçkën. Po merrni në mbrojtje ministren që ka marrë statusin e investitorit strategjik, çojeni në gjykatë dhe të vendosë gjykata! Qytetarët nuk kanë bukë të hanë. ministrja ka 5 mln euro për të bërë hotel në bregdet. Zonja ministre ka vendosur të shkelë ligjin dhe do të duhet të shkojë dhe të përballet në Gjykatë Kushtetuese. Çojeni të GJK dhe të vendosë ajo! Vendimi i gjykatës Kushtetuese na ka dhënë të drejtë ne, ju shkelët Kushtetutën, tani duhet të zbatoni vendimin dhe t’ia kaloni çështjen asaj gjykate për shqyrtim”,- tha Bardhi.
Zvarritja: Kanë marrë dhe dy muaj kohë pushim, sot kanë ndryshuar atë çfarë kanë thënë herën e kaluar. Do marrin dhe 3 muaj kohë se do thonë eksperti ka shumë punë. Tallje me gjykatën dhe kushtetutën, zvarritja e procesit.
Ndërsa Enkelejd Alibeaj tha se Xhaçka sipas tij duket qartë që është marrë në mbrojtje nga mazhoranca, ndërsa shtoi se ekspertiza profesionale mund të keqpërdoret politikisht.
Sot bëtë një tjetër tallje me reformën në drejtësi, vazhdoni në mbrojtje Olta Xhaçka, liruat nga burgu Saimir Tahirin. Do të dilni si e vetmja maxhorancë që merr në mbrojtje një ministre dhe deputete për të marrë statusin e investitorit strategjik. Qytetarët nuk kanë bukë të hanë. ministrja ka 5 mln euro për të bërë hotel në bregdet. Zonja ministre ka vendosur të shkelë ligjin dhe do të duhet të shkojë dhe të përballet në Gjykatë Kushtetuese. Çojeni të GJK dhe të vendosë Gjykata Kushtuese”, tha Bardhi.
Çështja e mandatit të deputetes Olta Xhaçka është rikthyer sërish për diskutim në Kuvendin e Shqipërisë pasi Gjykata Kushtetuese ka vendosur pranimin e kërkesës së 14 deputetëve të PD, për ta shfuqizuar vendimin e Parlamentit që miratoi raportin e mazhorancës për të mos e çuar mandatin e Xhaçkës në Gjykatën Kushtetuese.
Ky vendim do të thotë që Kuvendi është i detyruar që ta çojë një kërkesë të deputetëve për verifikim të mandatit të një deputeti në Kushtetuese dhe do të jetë kjo e fundit që do të vendosë.
