Lëvizja Socialiste për Integrim përmes nënkryetarit të saj Petrit Vasili deklaron se Damian Gjiknuri asgjëson listat e hapura.
Teksa publikon në faqen e tij zyrtare në rrjetin social “facebook”, Vasili akuzon përfaqësuesit e mazhorancës si karagjozë.
Reagimi i Vasilit
Po ç’janë këta karagjozë!?(VIDEO).
Kryeministri elifmatrak flet për listat të hapura, ndërsa krye-reformatori i reformës zgjedhore argumenton tronditjet dhe turbullirat kushtetuese dhe shtetërore që krijohen prej tyre.
Kryeministri elifmatrak tall dhe gënjen popullin, sepse listat e tij janë sërish të mbyllura.
KM elifmatrak propozon lista të mbyllura për fituesit e 30% të listës që i cakton vetë ai dhe popullit i ka lënë të zgjedhë humbësit, pra të zgjedhë asgjë, ata që nuk do shkojnë kurrë në parlament.
Kryeministër elifmatrak boll u spërdrodhe, voto 5 qershorin.
Fati dhe halli të janë shkruar tashmë dhe nuk ta zgjidhin dot as përdredhjet dhe as qurravitjet në emër të popullit, që e plaçkit përditë me koncesione dhe e helmon me drogë.
Shqiptarët u kanë treguar vendin kur e kanë tepruar edhe peshave të rënda në politikë, e jo më ca karagjozëve elifmatrakër ngjyrë mavi.
