Rama: Reforma në sektorin energjitik, një sukses

432
Kryeministri Edi Rama, i pranishëm në takimin e ministrave të komunitetit të energjisë, deklaroi se reforma në energji ka bërë që ky sektor të rimëkëmbet dhe shtoi se marrëveshja me CEZ-in bëri që të shmangej një “borxh i papërballueshëm për financat e shtetit”.
“U përballëm që në fillim me borxhe të rënda në sektorin e energjisë. Edhe Banka Botërore, para se të ndërmerrte reformat, përcaktoi qartë se gjithçka do të varej nga ajo që do të bënim me energjinë. Kompania e shpërndarjes së energjisë, jo vetëm që ishte në prag të një kolapsi total, por edhe në kushtet e një konflikti të hapur mes shtetit dhe pronarëve privatë të kompanisë. Shqipëria gjendej në një kërcënim tjetër, atë të arbitrazhit ndërkombëtar, ku rrezikonte t’i shtohej edhe një borxh i ri i papërballueshëm për financat e shtetit”, tha Rama. 
“I jam shumë mirënjohës komunitetit të energjisë, që në atë moment të vështirë, u bë mbështetje në një proces kaq transformues, për një reformë të gjerë. Kemi vënë themelin e një historie suksesi”, shtoi Rama.
Sigal