Presidenti Ilir Meta: Nëse Rama fiton 71 mandate me votë të lirë, unë do jap dorëheqjen nga posti i Presidentit dhe marr drejtimin e opozitës

60
Sigal

Presidenti Ilir Meta deklaroi sot në emisionin “Frontline”, se nëse Edi Rama merr 71 mandate pa vjedhur votat, ai do të japë dorëheqjen nga posti i kreut të shtetit dhe do të marrë drejtimin e opozitës.

“Nëse ai merr 71 mandate pa prekur votën e popullit unë kaloj në opozitë dhe marr drejtimin e opozitës”,- tha kreu i shtetit.

Presidenti, gjithashtu ka paralajmëruar ndëshkim të ashpër të çdo politikani, zyrtari apo banditi që do të prekë votat e qytetarëve. Meta u bëri thirrje qytetarëve që të marrin pjesë në votime dhe të mos shesin votën. “Çdo qytetar që shet votën, nuk ka të drejtë të kërkoj llogari. Ai qytetarë që nuk voton nuk ka të drejtë të ankohet për keqqeverisjen”,- tha kreu i shtetit.

Ndërkohë shkoi se asnjë shkelje ligjore dhe prekje e votave.  “Ndëshkoni pa mëshirë me 25 prill këdo që ju bën presion me votën, këdo që tenton t’ju blejë votën, këdo që ju ka mashtruar. Një votë po u prek, do pritet një dorë”,- tha kreu i shtetit.

Presidenti Meta shtoi se “nëse një votë vidhet, do t’i pritet dora në shesh. Të parës zonjës Monika Kryemadhit, të dytit Lulzim Basha dhe të tretin, kryeministrit Edi Rama. Të gjithëve çfarë ke nxjerrë aty. Nuk është në kuptimin figurativ, por në kuptimin e parë. Unë vetë do t’jua pres dorën, nëse del ndonjë si nga ata të Dibrës. Ky është betimi im, si President i këtij vendi”.