Nora Malaj: Karrigia e thyer dhe gara elektorale

148
Sot shpërndave foton e garës elektorale me thënien “Të japësh nga vetja, por të jesh vetvetja!”, një thënie që më erdhi së brendshmi, teksa pashë sms mbështetëse që më bënë miqtë dhe mikeshat, të njohurit e dashamirësit, dikush me humor, dikush me mirësi dhe ndokush edhe me batutë.
Sms e parë ishte, “ja me këtë foto e more votën time, ta gezosh, por të duhen edhe 9999 që të marrësh numrin 10.000 vota!”
Një tjetër më shkroi dhe ketë dua ta ndaj me ju. “Gjyshi im, më tha ai thoshte, ah mor bir, nuk është aq e mirë karrigia, se po të ishte ashtu do të qëndronte mbi kokë dhe jo nën të ndenjurave  Po karrigia shërben për ata që kanë kokën plotë dhe komandojnë të ndenjurat, jo në të kundêrtën!”
Ndaj gara nuk është e thjeshtë dhe e lehtë, kur kupton që përballë ke një klasë që karrigen e ka kthyer si “modus viventi” , mënyrë jetese dhe qëllim në vetvete. Këto ditë, përtej Covidit, hallet e problemet e njerëzve kanë dalë “cullak “. U trondita sot kur mësova se mbi 10.000 mijë dosje të invalidëve që presin të trajtohen për asistencë sociale, në zyrat e punës dhe pluhuri i ka zënë dy gisht dhe kjo kategori është ne ditë të hallit.
Ato u perkasin atyre qytetarëve, që presin të trajtohen me ndihmë, po shteti i ka harruar. Shteti ka vendosur me çdo kusht që të përdori cdo zyrë për te prodhuar “leje” legalizimi të shtëpive , po pa truall, thjesht për fushatë dhe votë. Paçka se shtëpia do të qëndrojë në hava, sikur është varur ne “vinç” se trualli është i paprivatizuar. E këta njerëzit , të mirët njerëz , ( ëndrra e çdo kujt të ketë një shtëpi) duan të besojnë dhe të gëzojnë dhe pranojnë edhe “ letra bakalli” si legalizime . Kjo është dhimbje e madhe kur mashtron ata që quhen dhe janë të pafajshëm. Qytetarët e lodhur, të mërzitur, të tronditur, të papunë pse te punësuar me punë “sezonale “, kontrata vetëm 3-6 muaj e pastaj, ata thonë : “Jepe votën njëherë se o i zoti , o gomari do të ngordhin më pas !”
Mëkat i madh kur nuk i do njerëzit dhe kur tall, fyen , ofendon, përçmon, gënjen për një qëllim, për karrigen. Askush nuk është i pagabueshëm, se të gjithë gabojmë dhe gabimi është njerëzor. Por kur gabimi kthehet në faj dhe harbutëria shitet si model, për një karrige , atëherë kjo karrige që ka shembur shtetin e së drejtë duhet thyer, se në emer te kesaj karrige po burgoset liria e njeriut dhe po instalohet “ skllavëria moderne “ në çdo pjese të jetës. Po unë jam shpresëplotë , se karrigia e thyer e pushtetit diktaktorial ka kohë që është kembëthyer dhe njerëzit me energji e mirësi diellore do të shkojnë në votime në 25 Prill , për të dëshmuar se liria është në duart e tyre, të votës së tyre dhe të zgjedhjes te ata që mendojnë, ndjejnë e duan t’ju japin përgjegjësinë , që me pas t’ju kërkojnë llogarinë! Une besoj te pjekuria dhe energjia e grave e burrave , të rinjve e te rejave , brezit të moshës sē tretë te vendit tim! “Nuk ka rëndësi se çfarë bënë vendi im për mua , rëndësi ka çfarë unë do bëj për vendin tim’ . Unë dhe i gjithë grupimi yne , do të vazhdojmë rrugën e garës së ndershme , për të berë detyrën tonë për vendin !
Mirënjohje dhe respekte të gjithë ju miq , që me mbeshtesni dhe me vlerësoni e votoni !
Sigal