Meta i bën thirrje qeverisë për personelin mjekësor: Të mbështeten me trajtim financiar, koha nuk pret

53

Presidenti Ilir Meta ka kërkuar ndihmë të menjëhershme për stafin mjekësor.

Përmes një postimi në rrjetet sociale, Meta shkruan se për shkak të ekspozimit ndaj rrezikut infektiv personeli i spitaleve Covid duhet të mbështeten me trajtim financiar suplementar nga shteti.

Sipas tij, koha nuk pret dhe duhet vepruar menjëherë.

“Mjekët, infermierët dhe personeli mbështetës i spitaleve COVID, i qendrave rajonale, si dhe mjekët e familjes, për shkak të ekspozimit ndaj rrezikut infektiv duhet të mbështeten me trajtim financiar suplementar nga shteti.

Shtimi i rasteve së humbjes së jetëve nga radhët e bluzave të bardha, e bën këtë masë të domosdoshme.

Koha për të vepruar nuk pret më”, shkruan Meta.