Kuvendit i prishen “Benz”-at, 45 mijë euro tender për riparimin e tre makinave

21

“Nuk themi të mos mirëmbahen e të mos jenë të sigurta makinat e Kryetares së Kuvendit, Lindita Nikolla, sepse ajo është personalitet i lartë dhe jeta e saj ka shumë rëndësi për fatet e vendit dhe popullit, por ‘mbaje pak dorën’ me shifrën e eurove…”

Sigal

Makinat e shtrenjta kanë qenë gjithmonë të preferuarat e titullarëve të institucioneve, por mirëmbajtja e tyre nxjerr probleme. Rasti më i fundit është ai i Lindita Nikollës, ku Kuvendi i Shqipërisë ka hapur një tender me vlerë 45 mijë euro me TVSH për të riparuar tre Mercedezët e titullarëve të institucionit. Sipas objektit të procedurës prokuruese, bëhet fjalë për një kontratë dy vjeçare për periudhën 2024-2025 për riparimin dhe mirëmbajtjen e një fuoristrade të vitit 2006, e cila është blerë nga ish-kryetarja e Kuvendit, Jozefina Topalli dhe tashmë ka mbetur në inventarin e institucionit. Një autoveturë të klasit S të vitit 2013, e blerë nga Ilir Meta në 2014, në atë kohë Kryetar Kuvendi dhe që aktualisht përdoret nga Agron Gjekmarkaj, dhe një Mercedez tjetër, i vitit 2018 që u ble nga Gramoz Ruçi dhe tashmë përdoret nga Lindita Nikolla.

Vlera e objektit mesa duket ka kapërcyer edhe vetë komisionin e prokurimit pranë Kuvendit të Shqipërisë, ku në argumentet pse duhej ky tender, është munduar të evidentojë shkakun e një shifre kaq të lartë për riparimin apo mirëmbajtjen e tri makinave. “Lista e shërbimeve objekt prokurimi është pasuruar ndjeshëm me zëra te rinj krahasuar me vitet e mëparshme, për të mundësuar kështu ndjekjen sa më optimale të procesit të zbatimit të kontratave që do të lidhen duke i paraprirë çdo situate. Dhe një situatë që ka synuar të paraprijë Kuvendi duket se është prishja e makinës në rrugë, ku si kriter për kompanitë garuese në tender, ka edhe ofrimin e spostimit të automjetit me karroatrec. Sipas afateve tenderi në fjalë është mbyllur dhe pritet lidhja e kontratës për disbursimin e parave nga ana e institucionit.