Ditën e sotme demokratët në të gjithë vendin do të zgjedhin drejtuesin e ri të tyre. Gara për kreun e ri të PD është mes Sali Berishës dhe Ibsen Elezit.
Ndërkohë votimi që parashikohej të përfundonte në orën 18:00 është shtyrë për në orën 20:00.
Lajmi u njoftua nga Komisioni i Organizimit dhe Kontrollit të Operacioneve Elektorale pranë Partisë Demokratike.
Njoftimi:
Komisioni i Organizimit dhe Kontrollit të Operacioneve Elektorale pranë Partisë Demokratike njofton se pas kërkesave të shumta të ardhura prej degëve, ka vendosur të shtyjë orarin e votimit deri në orën 20.00.
Komisioni i Organizimit dhe Kontrollit të Operacioneve Elektorale fton të gjithë anëtarët e PD të bëhen pjesë e procesit të votimit për zgjedhjen e Kryetarit të PDSH me parimin “një anëtar një votë”.