Dështuan me Mbappen, Real Madridi tani kërkon yllin e Milanit

136
Sigal

Pasi nuk siguruan shërbimet e Kylian Mbappes, Real Madridi tani është në kërkim të alternativa tjera.

Klubi nga kryeqyteti spanjoll raportohet se ka shprehur interesim për Rafael Leaon. Sipas “Marca”, Real Madridi dëshiron që të nënshkruajë me sulmuesin e Milanit në afatin kalimtar të verës.

22-vjeçari gjatë këtij sezoni ka qenë ndër futbollistët kryesorë te “Rossonerët”, teksa skuadra italiane është shumë afër titulli të kampionit.

Reprezentuesi portugez deri më tani ka regjistruar 33 paraqitje në Serie A, teksa ka shënuar 11 gola dhe shtatë asistime.

Rafael Leao me Milanin ka kontratë të vlefshme deri më 30 qershor 2024.