Djali i presidentit të Serbisë, Aleksandër Vuçiç është prekur nga koronavirusi.
Lajmin e ka konfirmuar vetë presidenti serb me një postim në Instagram.
Vuçiç shkruan se djali i tij i madh, Danilo, ka dalë pozitiv me koronavirus dhe është transferuar në Klinikën e Sëmundjeve Infektive në Beograd.
“Kur filloi gjithçka, Danilo im më tha se dorëzimi nuk ishte një mundësi. Biri im është infektuar me koronavirus dhe gjendja e tij klinike është e tillë që ai u pranua në Klinikën e Sëmundjeve Infektive. Bir, do fitosh. Babi të do, të gjithë të duam!”, ka shkruar Vuçiç.
Djali i ri ndodhet në kujdes intensiv nga mjekët, pasi e mori si grip normal apo ftohje, por kur temperatura nuk i binte me ditë dhe kishte dhimbje të forta koke e kollë, atëhere djali shkoi në spital, ndonëse me vonesë.
Tashmë ai po lufton me vdekjen në spitalin e Beogradit.
