Dhuna ndaj Berishës, Meta: Rama tentoi të kthejë protestën paqësore në manifestim dhune me viktima

47
Sigal

Kryetari i Partisë së Lirisë, Ilir Meta, në një konferencë për mediat pasditen e sotme komentoi dhunën ndaj kryedemokratit Sali Berisha në protestën e sotme në bulevard.

Ilir Meta tha se kemi të bëjmë me një atentat mafioz të orkestruar nga Edi Rama i cili kishte qëllim të të devijonte një protestë tërësisht paqësore në një manifestim dhune me viktima.

Kreu i PL-së tha më tej se Edi Rama është pasuesi më bastard i regjimit komunist që i shkaktoi Shqipërisë aq shumë viktima për kati 5 dekada.

“Atentat mafioz i orkestruar dhe porosituar nga Edvin Kristaq Rama i cili kishte qëllim të devijonte një protestë tërësisht paqësore në një manifestim dhune me viktima. Kjo është e qartë dhe në dritën e diellit se sot Edi Rama në përpjekjet e tij në ekstreme të papara në 30 vite të pluralizmit për të provokuar dhe fajësuar opozitën si shkatare të dhunës nxori fytyrën e tij të vërtetë që s’ka diplomat e ambasador, që nuk ka mafioz ndërkombëtar të korruptuar që mund t’ia retushojë dot.

Rama i tregoi të gjithë shqiptarëve se është armiku i paqes. Pasuesi më bastard i atij regjimi që i shkaktoi Shqipërisë aq shumë viktima për gati pesë dekada. Ai është pengmarrësi i të ardhmes europiane të Shqipërisë për shkak të pengmarrjes së tij nga organizatat kriminale më të rrezikshme jo vetëm në kontinent por dhe përtej tij.

Opozita tregoi se ka të gjithë vizionin, vetëpërmbajtjen dhe qëndrueshmërinë për ta shporrur këtë sekt kriminal që shkatërron çdo ditë bashkëjetesën e qytetarëve dhe përdhos Kushtetutën.”-tha Meta.