Sekretari i Përgjithshëm i Partisë Socialiste Damian Gjiknuri ka postuar në rrjetet sociale pamje nga tuneli i Llogarasë për të cilin po punohet tashmë prej 5 muajsh. Në tunelin e Llogarasë, për 5 muaj nga nisja e punimeve janë hapur 2 kilometra shkruan Gjiknuri. Ndërsa ka theksuar se puna e bërë reflekton një ecuri për t;u vlerësuar. Drejtuesi politik i qarkut të Elbasanit shprehet se ‘duke parë ecurinë e punës në tunel synojmë ta përfundojmë para afatit kontraktual për të qenë e aksesueshme nga të gjithë vizitorët e bregdetit të jugut. Punimet në tunelin e Llogarasë nisën në 15 nëntor të vitit të shkuar dhe ka një afat ndërtimi 33 muaj nga 37 që kishte lajmëruar fillimisht kompania e ndërtimit. Tuneli i Llogarasë pritet të shkurtojë në distancë Qafën e Llogarasë nga 55 minuta që bëhet aktualisht, përmes ndërtimit të tunelit do të bëhet vetëm për 7-10 minuta.
