Kreu i Partisë Demokratike zhvilloi sot një takim të gjatë me përfaqësues të medias lidhur me ato që i konseideron si tre emergjencat për vendin, luftën kundër krimit, drogës dhe garantimin e zgjedhjeve të lira dhe të ndershme.
Në përfundim të takimit, Basha u shpreh: “Diskutuam për tre problematikat më të mëdha. Gjatë këtij takimi prej më shumë se 4 orësh më shumë dëgjova. Nga ky takim dal dhe më i inkurajuar dhe i vendosur për të ndërtuar sëbashku me shqiptarët një aleancë sa më të madhe, solide për të siguruar luftën kundër krimit, mposhtjen e fenomenit kanceroz të kanabizimit dhe garantimin e zgjedhjeve të lira dhe të ndershme”.
I pyetur lidhur me përjashtimin e deputetit Mhill Fufi nga grupi parlamentar, Basha tha: “Për këtë çështje ka pasur komunikim dhe do ketë dhe komunikime të tjera”.
