Nga Albert Zholi
Prej 31 vjetësh dy Gjermanitë, Lindore dhe Perëndimore, u bashkuan për të rikrijuar Gjermaninë e sotshme. Pra, më 3 tetor të vitit 1990, Gjermania zyrtarisht u bashkua, me synimin që dy pjesët e vendit të jenë të zhvilluara në të njëjtën masë në një të ardhme të afërt. Gjermania vuajti ndarjen e saj në dy pjesë: njëra, ajo perëndimore u kontrollua nga aleanca perëndimore e prirë nga SHBA-të, kurse tjetra, ajo lindore nga Bashkimi Sovjetik. Meritat u përkasin, krahas qytetarëve gjermano-lindorë, ashtu edhe liderit sovjetik Mikhail Gorbaçovit dhe kancelarit gjerman të kohës Helmut Kohël. Gjithçka nisi me rënien e Murit të Berlinit, më 9 Nëntor 1989. Deri më 3 tetor 1990 kishin kaluar 323 ditë. Muri kishte qenë simboli i ndarjes së Gjermanisë dhe tërë botës në dy blloqe. Rënia e tij u bë simbol i fuqishëm i përfundimit të Luftës së Ftohtë. Kronikanët thonë se rënia ishte kurorëzim i përpjekjeve të paepura të gjermano-lindorëve të guximshëm. Askush nuk priste që në rrugë paqësore muri do të shembej aq shpejt. I ngritur më 1961, në një gjatësi prej 155 kilometrash, muri për plot 28 vjet ishte bërë pengesë famëkeqe që ndante familje e miq në të njëjtin qytet, që në fakt ishte vijë ndarëse e dy botëve. Dhe kjo nuk ishte se nuk pranohej nga bota përparimtare. Më 1987, presidenti i atëhershëm amerikan, Ronald Reagan, nga Berlini i ishte lutur udhëheqësit reformator sovjetik Mikhail Gorbaçov që në emër të paqes, begatisë për Bashkimin Sovjetik dhe Evropën Lindore ta shembte murin e ndarjes. Ajo edhe ndodhi. Shembja e murit dhe bashkimi i dy Gjermanive ishin edhe një kushtrim për flakjen e zgjedhës në vende të tjera të bllokut lindor, përfshirë këtu edhe ish-Jugosllavinë, por edhe Shqipërinë.
Kundërshtimi
Dy Gjermanitë u bashkuan edhe pse fqinjët dhe fuqitë e mëdha evropiane ishin kundër këtij bashkimi. Kundër ishin Polonia e Franca, Italia e Britania, ku tepër aktive kundër procesit të bashkimit ka qenë ish-kryeministrja Thatcher. Fuqitë e mëdha ishin kundër për arsye kryesisht egoiste, sipas parimit konservator të ruajtjes së balancës së fuqive. Por historia është progresive, dhe balancat e padrejta gjithnjë prishen. Andaj gjermanët e realizuan ëndrrën e tyre duke u bazuar tek vullneti i vet, e tek mbështetja e SHBA-ve, këtij partneri të jashtëzakonshëm të vetëvendosjes së popujve.
Bashkimin e Gjermanive e kanë mbështetur asokohe shumë kombe të ndarë, si psh. irlandezët, apo edhe ne, shqiptarët.
Fillimisht ato nënshkruan traktatin për unifikimin e politikave monetare, ekonomike e sociale, pastaj një sërë marrëveshjesh të tjera, e në fund bënë veprimin më të mirë për popullin e tyre e për krejt Evropën, u bashkuan.
Ju sjellim 10 kuriozitete nga bashkimi i tyre, që me siguri do ju lenë pa fjalë.
- Leticla Koffke ishte misi i vetëm në Gjermaninë Lindore dhe u shpall e tillë ditën kur ra Muri i Berlinit. Në DDR një kohë të gjatë ishte i ndaluar zhvillimi i konkurseve të bukurisë.
- Kancelarja gjermane, Angela Merkel, gjatë kohës së rënies së Murit të Berlinit ka qenë duke kryer Sauna.
- Vetëm 16% e gjermanëve lindorë kishin telefona në shtëpi gjatë vitit 1989. Për celularë as që bëhej fjalë.
- Te komunistët gjermanë kishte vetëm një lloj birre, që quhej AUBI, “Autofahr-Bier” (Birra e Vozitjes). Bestnameever.
- Në Gjermaninë Lindore për herë ta parë jeansat (xhinset) janë veshur në vitin 1968. Ç’të kenë veshur para këtij viti?
- Gjermania Perëndimore kishte rrogat mesatarisht dy herë më të mëdha se Lindorja.
- Në Gjermaninë Lindore kishte rreth 6000 vetëvrasje në vit, ndër më të mëdhatë në Botë.
- Coca-Cola është futur në Gjermaninë Lindore vetëm pas rënies së Murit të Berlinit.
- Në Gjermaninë Lindore nuk kishte banane.
- Boksieri i famshëm nga Gjermania Lindore, Axel Schulz, ka kujtime të këqija nga Muri i Berlinit, pasi në 9 Nëntor, ai po zhvillonte festën e datëlindjes, ku të gjithë të ftuarit ju larguan për të parë zhvillimet e reja të politikës. Po binte Muri Famëkeq.
Si dhe pse u ndërtua Muri i Berlinit 60 vjet më parë?
Më 13 gusht 1961, udhëheqja e RDGJ-së filloi ndërtimin e murit që për gati 30 vjet do ta mbante Gjermaninë të ndarë dhe që u kthye në simbolin e ndarjes mes Evropës Lindore e asaj Perëndimore.
Në fillim të gushtit të vitit 1961 në Moskë u takuan udhëheqësit e atëhershëm të partive komuniste të Bllokut Lindor. Ata vendosën mbylljen e kufirit mes Gjermanisë Lindore dhe asaj Perëndimore.
Më 12 gusht 1961, Valter Ulbriht, kryetar i shtetit i RDGJ nënshkroi urdhërat për mbylljen e kufirit. Më 13 gusht, ushtria, policia dhe trupat luftarake nisën të ndërtojnë Murin e Berlinit.
Ai ishte simboli pёr ndarjen e botёs nё Lindje dhe Perёndim, pёr luftёn mes komunizmit dhe kapitalizmit: Muri i ngritur nё Berlnin mё 1961 nga Republika Demokratike e Gjermanisё (RDGJ) e qeverisur nё mёnyrё diktatoriale. Pjesa perёndimore ishte njё zonё 155 km e rrethuar me beton e tela me gjemba, por megjithatё njerёzit nё kёtё zonё mund tё lёviznin anё e mbanё tё lirё. Berlini Perёndimor ishte pra njё ishull i lirisё nё mes tё territorit tё RDGJ-sё komuniste.
Nё tё kundёrt pёr shumicёn e gjermano-lindorёve, qё ishin kaq pranё Perёndimit pёr dekada Berlini Perёndimor ishte si toka e ёndёrruar.
