Nga Kastriot Islami
Të gjithë bëjnë pyetjen retorike: Është kurba e “çmendur” që çmend manxherin apo është menaxheri i “çmendur” që çmend kurbën?! Dhe të gjithë e kanë përgjigjen në majë të gjuhës që e artikulojnë në korr:
…Në vendin tim në vendin tënd, një i çmendur të gjithë i çmend…!
Në fakt kjo lloj gjeagjëze ka zëvëndësuar gjeagjëzën e “pulës dhe vezës”…
Në realitet, i çmendur është “menaxheri i pandemisë” që e bën kurbën e përhapjes së virusit në formën e një zhgarravine të çmendur rakazhdraka… dhe për të krijuar idenë se merr vesh nga virusologjia, lëshon urdhëra të çmendur nga krevati, e nga bukneri, duke treguar pas krahëve “zhgarravinën e çmendur”, thjesht e vetëm për ti çmendur të gjithë…
Do të thotë dikush që ky është ekzagjerim… Unë nuk po flas fare… Por vetëm po paraqes kurbat e “infektimeve aktive” për periudhën mars-maj 2020 për katër shtete: Shqipërinë, Gjermaninë, Italinë dhe Islandën. Madje thjesht për dijeninë tuaj duhet të dini se i “cmenduri” mburret se e ka menaxhuar krizën sanitare shumë, shumë, shumë. … më mirë se këto tre shtete europiane duke u hequr edhe si më i zoti e më i miri ë Europë???!!!
Kurbat e Islandës, Gjermanisë dhe të Italisë janë sic parashikohet për shifrën e të infektuarëve aktivë nga teoritë epidemilogjikë në formën e një “këmbane” të Gaussit (me ngjyrë blu), kurse kurba e “cmëndur” e të cmendurit të Shqipërisë është një zhgarravinë e cmendur rakazhdrake me 3 “maja” e 2 “gropa”…
Në datën 22 maj 2020, në Islandë numri i “infektimeve aktive” është vetëm 3, ndërkohë që vlera maksimale e saj 1096 ka qënë në datën 5 prill 2020 duke u zvogluar deri më 22 maj me 365 herë. Në datën 22 maj 2020, në Gjermani numri i “infektimeve aktive” ishte vetëm 12361 nga (vlera maksimale) 72865 që ka qënë në datën 6 prill 2020 duke u zvogluar me 6 herë. Në datën 22 maj 2020, në Itali numri i “infektimeve aktive” ishte vetëm 59322 ndërkohë që vlera maksimale ka qënë 108257 në datën 19 prill 2020, duke u zvogluar me rreth 2 herë.
Kurse në Shqipëri, kur zhgarravinën e cmendur e ndërton mburraveci i cmendur, rezulton kjo gjendje:
Ka mbi 24 ditë që shifra “magjike” e vdekjeve nga COVID-19 mbetet 31 dhe nuk ndryshon (duhet lutur zotit nëse kjo është e vërtetë që është kështu dhe nuk është e manipuluar se të gjithë duam sa më pak vdekje, madje do ta kishim përshëndetur për cmendurinë e tij nëse do të kishte gjetur ndonjë marifet për ta ulur këtë shifër!)…ndërkohë që numri i të infektuarëve lëviz sipas “rakazhdrakave të zhgarravinës së cmendur”.
Vetë zhgarravina e cmendur në vënd që të jetë në formë këmbane si në të gjithë vëndet normale të globit, ka 3 “maja”. Maja e parë kulmon në datën 6 prill 2020 me vlerë 240 “të infektuar aktivë”. Më tej zhgaravina e cmendur merr tatëpjetën duke formuar “gropën e parë” e më tej duke u ngjitur në “majën e dytë” në datën 26 prill në vlerën 289 “të infektuar aktivë”… Por cmenduria nuk mbaron me kaq; zhgarravina rrokullistet drejt gropës së dytë për tu ngjitur në “majën e tretë”, pak më të ulët, që e arrin në datën 17 maj 2020 me vlerën 200 “të infektuar aktivë”… Dhe në datën 22 maj 2020, vlera e “të infektuarëve aktivë” është 173… Askush nuk e di sesi do të vazhdojë kjo cmenduri deri në 23 qershor 2020?!
Me ndihmën e kësaj cmendurie që shitet si “shkencore”, janë cmendur edhe policët që kur i pyesin qytetarët së cfarë po ndodh kështu, iu përgjigjen se “janë urdhëra nga krevati”… Po përmes kësaj “cmendurie shkencore” u tentua të cmëndeshin myslimanët që të mos faleshin për Bajram…
Të gjithë janë tashmë të bindur se po tentohet të cmëndet një qytet i tërë, e ndoshta e gjithë Shqipëria, më urdhëra të cmendur nga bunkeri e nga krevati. Sepse lihen të hapura gjatë të gjithë javës kafet, dentistët, berberët, shitësat, makinat… e tjerë e tjerë, dhe në fund javë pa asnjë arsyetim apo shpjegim pengohen të shëtisin qytetarët në park duke ruajtur distancën fizike…pra me urdhëra cmendurie nga krevati i bunkerit!
Për mua është e qartë se nga vjen e gjithë kjo cmenduri që po i cmend të gjithë pa përjashtim…!
Fatëmirësisht po e kuptojnë dhe po ndërgjegjësohen cdo ditë e më shumë shqiptarë..!
