PERSONAZH/ Flet modelja Hygerta Karaj: Operacionet plastike janë preferenca individuale
Një modele e re me shumë pretendime. Qysh në kompeticionin e parë jashtë atdheut dhe pikërisht në Kinën e largët, ajo zuri vendin e dytë special si shoqëruese. Jo vetëm modele por ajo ka synim që të jetë dhe një aktore e suksesshme. Si pëlqejnë thashethemet dhe kërkon të përhapë fjalën e mirë dhe korrektesë në miqësi. Studimet janë në qendër të vëmendjes dhe gjumi i mëngjesit është qysh në orët e para, kur na fakt modelet kanë tjetër mënyrë jetese pasi bëjnë jetë nate. Ajo nuk ka idhuj por pëlqen modelet njerëzore.
Si e nise rrugën e bukur por të vështirë të modeles?
-Që e vogël e kam pasur ëndërr të bëhesha modele .Duke qene se e kisha me shume dëshirë vendosa ta vazhdoja këtë rruge .
Kush të ka mbështetur më shumë në këtë rrugëtim sinjifikativ?
-E gjithë familja me ka mbështetur.
Cila është sfilata juaj e parë dhe ku?
-Sfilata e pare ishte te Mis Durrësi, para 2 vitesh.
Si u ndjetë pas kësaj sfilate?
-U ndjeva shumë mirë dhe nuk kisha fare emocione.
Cili ishte aktiviteti më i mirë i vitit 2014?
-Aktiviteti im i fundit ishte pjesëmarrja te World Bikini Model 2014, në Kinë, ku u zgjodha nga producenti Shpejtim Zejneli për të përfaqësuar Shqipërinë dhe arrita ta përfaqësoja me së miri, duke dalë shoqëruesja e 2-të.
Nga të gjitha kompeticionet ku je ndjerë më mirë?
– Me mire u ndjeva ne Kine sepse ishte një kompeticion i organizuar mjaft mire pasi ishte një gare ndërkombëtare. Detajet më të vogla nuk mungonin .
Ku beson dhe kush është engjëlli mbrojtës?
-Besoj vetëm në Zot.
Po idhujt a ekzistojnë tek ty?
-Idhuj nuk kam. Modelet shqiptare që më pëlqejnë janë Valbona Selimllari dhe Hygerta Sako.
Kush është relaksi më i madh shpirtëror?
-Familja
Në sa sfilata keni marrë pjesë?
-Kam marrë pjesë në 3 sfilata kombëtare dhe një ndërkombëtare.
Modelingu është profesion me limite kohore të kufizuara, çfarë preferoni tjetër si profesion?
-Përveç modelingut, kam pasion dhe aktrimin. Kur kam qenë me e vogël kam luajtur në një film shqiptar.
A jeni e dashuruar dhe si do ta cilësonit dashurinë?
-Nuk jam e dashuruar po për mua dashuria është ndjesia magjike e shpirtit .
Si e mendon princin e kaltër?
-Nuk kam menduar fare për ”princin e kaltër ”. Kam kohë ta mendoj, haha.
Modelet çohen vonë, po ju kur çoheni në mëngjes?
-Në orën 6:45 sepse me duhet të bëhem gati për shkolle .
Mendimi juaj për operacionet plastike?
-Nuk është se me pëlqejnë, por, në qoftë se ke një defekt të madhe dhe do ta rregullosh, nuk jam kundër. Për vete se mendoj të bëj ndonjëherë .
Me kë shoqërohesh më shumë, me meshkuj apo me femra?
-Ne rrethin tim te shoqërisë mbizotërojnë te dy.
Ku i kaloni festat e fundvitit?
-Festat i festoj gjithmonë në shtëpi, me familjen .
Cilat janë veshjet e preferuara?
– Ne gardërobën time mbizotërojnë rrobat e thjeshta dhe pulovrat me pelush.
Çfarë ju pëlqen tek njeriu?
-Buzëqeshja, sinqeriteti dhe thjeshtësia .
Albert Z. ZHOLI
