Është vetëdorëzuar në polici autori i vrasjes së 16 vjeçarit Denis Vrenozit , Florjan Gega. Viktima është qëlluar vetëm 1 herë me thikë.
Ngjarje e rëndë ndodhi ditën e sotme në Fier, në zonën e njohur si “Zogu i Zi”, ku si pasojë humbi jetën një 16-vjeçari.
Njoftimi i policisë:
Pas identifikimit dhe shpalljes në kërkim nga policia, dorëzohet në polici autori i dyshuar i plagosjes me thikë në “Zog të Zi”.
Në datën 18.10.2018 rreth orës 16:30 pas një zënke për motive të dobëta mes 2 të rinjve, shtetasi F.G, 17 vjeç, ka qëlluar me thikë shtetasin D.V, 16 vjeç.
Si pasojë e plagëve të mara shtetasi D.V ka ndërruar jetë.
Pas ngritjes së grupit hetimor, policia identifikoi autorin e dyshuar dhe e shpalli në kërkim.
Specialistët për Hetimin e Krimit kanë bërë arrestimin në flagrancë per vepren penale “Vrasje me dashje”, parashikuar nga Neni 76 i Kodit Penal.
Specialistët për Hetimin e Krimeve po kryejnë procedurat për ndalimin e shtetasit F.G.