Sipas raportit të Prokurorisë, në vitin 2015, janë përgjuar 4099 persona, nga të cilët 593 prej tyre janë arrestuar si të dyshuar për vrasje, trafik armësh e droge dhe korruspion.
“Në sajë të ndjekjes në dinamikë të interceptimit nga oficerët e policisë gjyqësore të sektorit të shërbimeve dhe bashkëpunimit e bashkëveprimit me kolegët e tyre në terren, në vitin 2015 është arritur në arrestimin në kushtet e flagrancës të 593 personave të dyshuar për vrasje, trafikim të lëndëve narkotike, korrupsion, trafikim të armëve e vepra të tjera që përbën rritje pre 15% krahasuar me një vit më parë”, thuhet në raport. Sipas këtij raporti të Prokurorisë së Përgjithshme, në disa raste mbi të dhënat e përfituara gjatë përgjimit, është mundësuar regjistrimi i procedimeve penale të korruspionit të personave që kryejnë funksione publike.
“Gjatë viti 2015 janë ekzekutuar 1945 vendime për lejimin e përgjimit, marrë nga prokurorët në kushtet e emergjencës, si dhe vendime të autorizuara nga gjykata në hetime paraprake, aplikuar në lidhje me 702 procedime penale. Është mundësuar interceptimi për 4099 persona”, thuhet në raport.