Vdes në aksident një 20-vjeçar shqiptar. Ngjarja ka ndodhur ditën e sotme në Megaplatano Atalanti, Greqi.
Shqiptari ishte duke drejtuar një traktor në një fermë me ullinj dhe në rrethana ende të paqarta mjeti është përmbysur duke i shkaktuar vdekjen e menjëhershme.
Në vendngjarje shkoi ambulanca me dy zjarrfikëse për ti ardhur në ndihmë 20-vjeçarit shqiptar, por të gjitha përpjekjet ishin të kota.
Ndërkohë, policia greke po vijon hetimet për zbulimin e shkaqeve të plota të aksidentit tragjik.