Zbardhet dëshmia e kushëririt të Vinçens Pirolit që mbeti i plagosur mbrëmë te Ura e Bunës.
Ai ka treguar se kishin udhëtuar bashkë nga Lezha drejt Shkodrës pasi 34-vjeçari duhet të takonte një person.
Ndërsa e priste në makinë ai thotë se kur u kthye e ka parë që ishte i plagosur.
“Jemi nisur nga Lezha për në Shkodër, pasi Vinçensi më tha se do të takonte një person. Kemi mbërritur në Shkodër rreth orës 18:30. Në hyrje të urës së Bahçallekut, që është edhe hyrja e Shkodrës, Vinçensi është ulur në tokë dhe është futur në një rrugë dytësore. Aty kishte edhe një xhami. Unë e kam pritur në makinë. Papritur kur erdhi, dikush e kishte plagosur. Unë nuk e di as se kush e ka plagosur dhe as arsyen sepse nuk më ka treguar”.
Njësoj si Vinçensi, edhe kushëriri thotë se e ka dërguar në spitalin e Lezhës me kërkesë të tij se kishte frikë se mund ti ndodhte diçka në spitalin e Shkodrës.
“Pastaj e kam dërguar ashtu të plagosur tek spitali i Lezhës, sepse nuk donte ta çoja në Shkodër për shkak se kishte frikë se mund t’i ndodhte ndonjë gjë. E kam çuar në spitalin e Lezhës dhe e kam lënë aty.
Ai mohon të ketë dijeni se kë do të takonte 34-vjeçari apo kush e ka plagosur.
“Nuk e kam idenë se kë ka takuar dhe se kush e ka plagosur”.