Janë bllokuar sot një sasi pjeshkësh të importuara nga Greqia, pas konstatimit të pranisë mbi normë të pesticidit Phosmet, i cili paraqet rrezik për shëndetin e njeriut.
Sipas njoftimit zyrtar të Autoritetit Kombëtar të Ushqimit (AKU) , pas kryerjes së kontrolleve dhe ndjekjes së gjurmueshmërisë, produkti është bllokuar me qëllim asgjësimin.
Po ashtu, AKU ka bërë njoftimin përkatës pranë sistemit të njoftimeve RASFF të Bashkimit Europian.
Përshkrimi i produktit:
• Kategoria: Fruta – perime
• Emri i produktit: Pjeshkë
• Origjina: Greqi
Operatori i biznesit ushqimor ka njoftuar subjektet që kanë marrë produktin për ta tërhequr nga tregu në rast se e kanë ende në gjendje.
AKU thekson se do të vijojë kontrollet për të garantuar sigurinë ushqimore dhe mbrojtjen e shëndetit të konsumatorëve.
