Kryetari i Prishtinës, Përparim Rama, ka pritur në zyrën e tij shqiptaro-amerikanin Xhim Xhema, të cilin e ka falënderuar për gjithë kontributin e tij për çështjen e çlirimit dhe pavarësisë së Kosovës.
Kryetari Rama tha se Xhim Xhema është shqiptar i madh i cili punoi ndër vite për lirinë dhe pavarësinë e Kosovës.
‘‘Ne e kemi nderuar duke e vendosur emrin e njërës nga rrugët kryesore të Prishtinës, me emrin e Xhim Xhema”.
Ndërsa Xhema tregoi kohën kur punonte për ta sensibilizuar çështjen e Kosovës, ku kishte takuar ish-senatorin Bob Doll, i cili e kishte pyetur, çka dëshiron të bëjë për ju.
Sipas Xhemës kërkesa e tij ishte që Kosova duhet të çlirohet.
Xhema tha se këta ia premtoi senatori Doll, që kur u çlirua Kosova, senatori amerikan i kishte thënë në shqip, “Kosova Republikë”, tha Xhema.
