Të paktën tre persona vdiqën të dielën pasi një fluturim komercial i drejtuar Precision Air u ul në liqenin Victoria në Tanzani.
Trupat e dy burrave dhe një gruaje u nxorën nga avioni, u tha gazetarëve komisioneri provincial i Kagera, Albert Chalamila, pa dhënë më shumë detaje.
Të paktën 26 persona janë shpëtuar deri më tani me operacionet e shpëtimit në vazhdim, tha linja ajrore.
Fluturimi ishte nisur nga kryeqyteti tregtar i Tanzanisë, Dar es Salaam për në qytetin e Bukoba para se të zhytej në liqenin Victoria ndërsa po i afrohej aeroportit.
Gjithsej 43 persona ishin në fluturim, duke përfshirë 39 pasagjerë dhe katër anëtarë të ekuipazhit, sipas linjës ajrore dhe Chalamila.
Videoja që qarkullon në mediat sociale e marrë nga shikuesit në brigjet e liqenit Victoria tregoi avionin e zhytur në ujë me reaguesit e urgjencës që koordinonin përpjekjet e shpëtimit nga varkat aty pranë.
“Ne po përpiqemi ta nxjerrim avionin nga uji. Ne po përpiqemi të kontrollojmë nëse rrotat godasin tokën nën ujë ose të gjejmë ndonjë mënyrë tjetër për ta shtyrë atë nga liqeni. Në këtë moment ka ende komunikim nga kabina. Pilotët janë ende në kontakt me ne”, tha Chalamila.
Duke folur nga vendi i ngjarjes, komandanti i policisë provinciale Kagera, William Mwampaghale tha se “çdo gjë është aktualisht nën kontroll”.
“Operacionet e shpëtimit janë duke u zhvilluar, deri më tani kemi shpëtuar disa njerëz dhe përfundimisht do të sigurohemi se i kemi shpëtuar të gjithë dhe e kemi nxjerrë aeroplanin nga uji,” tha ai. “Ata që janë shpëtuar janë dërguar në spitalin tonë referues”.
