Bilanci i viktimave nga tërmeti në Izmir vazhdon të thellohet.
Sipas Agjencisë së Menaxhimit të Fatkeqësive dhe Emergjencave deri tani kanë humbur jetën 79 persona.
Në një deklaratë Agjencia konfirmoi se numri i të plagosurve ka shkuar në 962.
Në deklaratë njoftohet se 743 prej të plagosurve kanë dalë nga spitalet pas trajtimeve të nevojshme, ndërkohë që ende 219 të tjerë vazhdojnë trajtimin. Gjithashtu punimet e kërkim shpëtimit në Izmir vazhdojnë në tetë ndërtesa.
Pas tërmetit janë regjistruar 1.120 pas-tronditje, prej të cilave 43 më të forta se 4 ballë.
