Baza ajrore amerikane në rajonin kurd të Irakut është sulmuar me raketa, duke i marrë jetën një kontraktuesi civil dhe ka plagosur nëntë persona të tjerë. Kjo ngjarje ka shkaktuar frikë nga përshkallëzimi në provën e parë serioze të politikës së Joe Biden ndaj Iranit.
Një breshëri me rreth 14 raketa shpërtheu në bazën, që priste trupat amerikane pranë aeroportit në qytetin kryesor të rajonit të Erbil, në orët e vona të së hënës.
Tre raketa “107 mm” ranë brenda bazës ndërsa të tjerët ranë në zonat e banuara afër, duke vrarë një person të identifikuar nga një zëdhënës i koalicionit amerikan si një shtetas i huaj dhe duke plagosur një anëtar të shërbimit amerikan. Të paktën pesë civilë irakianë u plagosën gjithashtu dhe një prej tyre është në gjendje kritike.
Ishte sulmi më vdekjeprurës në gati një vit për të goditur forcat e koalicionit të drejtuara nga SH.B.A. të vendosura për të luftuar Shtetin Islamik në Irak, ku tensionet midis SH.B.A., aleatëve të saj Irakianë dhe Kurdë nga njëra anë dhe milicive të Iranit në anën tjetër u rritën gjatë qëndrimit të presionit maksimal të presidencës Trump, ndaj republikës islamike.
