Sergio Mattarella është rizgjedhur president i Italisë, në atë që u duk si një vendim konsensual në politikën italiane.
Bëhet me dije nga mediat italiane se Mattarella është president i 13-të i Republikës Italiane, duke kaluar kuorumin e 505 votave.
Kjo është hera e dytë në historinë e Republikës që një President merr mandatin e dytë.
“Kisha të tjera planë, por unë e respektoj parlamentin”, tha ai duke konfirmuar vendimin e tij për të qenë në krye të Pallatit Quirinale.
Pak më herët u njoftua se partitë në pushtet në Itali i kanë kërkuar të shtunën presidentit, Sergio Mattarella që të vazhdojë një mandat të dytë, pasi kanë dështuar që të gjejnë kompromis për një kandidat të ri.
