Nga 1 qershori, Serbia do të rihapë kufijtë me Shqipërinë, Maqedoninë e Veriut, Bosnje-Hercegovinën dhe Malin e Zi.
Njoftimin e dha ministri i jashtëm Ivica Dacic, i cili shtoi se kufizimet do të mbeten në fuqi për shtetasit e vendeve të Bashkimit Europian, të paktën deri në 15 qershor.
Kufijtë në rajon janë mbyllur në mes të muajit mars, për shkak të pandemisë së koronavirusit. Serbia është vendi më I prekur nga koronavirsi Ballkanin Perëndimor, me rreth 200 viktima e mbi 10 mijë të infektuar.
Sa i përket Kosovës, situata me pandeminë vijon të jetë pozitive. Vetëm 12 pacientë janë të shtruar në spital, 4 prej të cilëve në terapi intensive. 24 raste te reja u raportuan te martën, për një total prej 919 të infektuarit. Personat që kanë humbur jetën janë 29.
