Ish-senatori amerikan Fred Thompson, i cili ka qenë dhe aktor në disa filma dhe seriale, ka ndërruar jetë në moshën 73-vjeçare. Familja e tij njoftoi se Thompson vuante nga kanceri. Fred Thompson ka qenë këshilltar i Komitetit të Senatit për Watergate-n, që hetoi presidentin Richard Nixon. “Fred ishte i njëjti, në Senat, në sheshxhirim apo në shtëpi”, lexohet në komunikatën e familjes së tij. Në vitin 2008, Thompson kandidoi te republikanët për president të SHBA-së, por kandidatura e tij nuk fitoi mbështetjen e mjaftueshme.
