Një anije mallrash u përplas me një shkëmb në ishullin e Sardenjës në Itali si pasojë e motit të keq.
Menjëherë pas aksidentit një helikopter arriti në ishull për të evakuuar ekuipazhin e anijes.
Operacioni i shpëtimit ishte i vështirë si pasojë e erërave të forta dhe shiut.
Dallgët e mëdha të detit përplaseshin në bordin e anijes duke e vështirësuar lëvizjen e personave brenda saj.
Gjithashtu në vendngjarje shkuan dhe ekipe të shërbimit mjekësor si dhe ekipe zhytësish.
Fatmirësisht të 12 personat që ndodheshin në bordin e anijes shpëtuan pa asnjë dëmtim.