Ministri holandez i Arsimit Dennis Wiersma ka dhënë dorëheqjen pas akuzave të shumta për sjellje të pahijshme, njoftoi ai sot.
Në deklaratën e tij, politikani 37-vjeçar shprehet se dorëheqja e tij ishte një vendim i vështirë. Megjithatë, ai pranoi dhe kërkoi falje se ndonjëherë “reagonte tepër” ose ishte “shumë i ashpër” me punonjësit e ministrisë.
Wiersma vjen nga partia liberale e kryeministrit Mark Rutte.
Në muajt e fundit, media holandeze raportoi se ka pasur shumë ankesa kundër ministrit për mënyrën sesi ai i trajtonte punëtorët, disa prej të cilëve e akuzuan për ngacmim fizik ose verbal.
