Ish-agjenti i FBI-së i akuzuar për ndihmën e oligarkut rus është liruar me një garanci prej 500 mijë dollarësh.
Ish-agjenti i kundërzbulimit të FBI-së i akuzuar për ndihmën e një oligarku rus për t’iu shmangur sanksioneve amerikane është liruar me kusht, shkruan dailymail.
Në artikull shkruhet se Charles McGonigal, 54 vjeç, u lirua nga gjykata federale e Manhatanit të hënën me një garanci prej 500,000 dollarësh njohjeje personale, pas arrestimit të tij të shtunën për akuzat e paraqitura në dy aktakuza të reja të pavulosura.
Një nga paditë, e ngritur në Manhattan, akuzoi McGonigal për shkelje të ligjeve të sanksioneve të SHBA-së duke punuar për Oleg Deripaska, një mik miliarder i Vladimir Putin, pas tërheqjes së tij në 2018 nga FBI.
Prokurorët thonë se ai gjithashtu mori 225 mijë dollarë ryshfet nga një spiun shqiptar dhe pati një takim të fshehtë me kryeministrin shqiptar, Edi Rama.
Akuzat e tjera, të ngritura në Uashington DC, pretendojnë se McGonigal mori 225,000 dollarë ryshfet në para nga një ish agjent i inteligjencës shqiptare, ndërsa drejtonte degën e kundërzbulimit në zyrën fushore të FBI-së në Nju Jork.
McGonigal u lirua me një garanci nënshkrimi, që do të thotë se paratë nuk duhej të postoheshin përpara, e cila u nënshkrua nga ai dhe dy persona të tjerë të paidentifikuar.
Ndërsa largohej nga gjykata, avokati i McGonigal, Seth DuCharme, u tha gazetarëve se klienti i tij “ka pasur një karrierë të gjatë dhe të shquar me FBI-në”.
“Kjo është padyshim një ditë shqetësuese për zotin McGonigal dhe familjen e tij, por ne do t’i shqyrtojmë provat nga afër dhe kemi shumë besim te z. McGonigal,” tha DuCharme, ish-prokurorja e lartë federale.
