Bashkimi Evropian sot miratoi edhe dhjetë milion euro ndihmë për Republikën e Maqedonisë në menaxhimin me krizën e refugjatëve. Kjo ndihmë i jepet Republikës së Maqedonisë për shkak të menaxhimit të saj me krizën e refugjatëve edhe pse në kufirin në veri dhe në jug të Bashkimin Evropian. Johannes Hahn, Komisioneri për Politikën e Fqinjësisë Evropiane dhe Negociatat e Zgjerimit, ka thënë: “Kriza e refugjatëve ka vënë një presion të lartë në vendet përgjatë rrugës dhe Evropa duhet të qëndrojë e bashkuar në trajtimin e kësaj situate. Ky financim i ri do të ndihmojë autoritetet e Ish Republika Jugosllave të Maqedonisë për përmirësimin e menaxhimit të kufirit dhe migracionit, dhe të mbështesin kostot e tyre për kufirin jugor të vendit” deklaroi Hahn.
Duke marrë parasysh kërkesën për ndihmë nga ish-Republika Jugosllave e Maqedonisë dhe rezultatet e vizitës së Komisionit kryer në janar të vitit 2016, me mbështetjen teknike të agjencisë kufitare të BE-së (Frontex), kjo masë speciale synon mbështetjen e ish-Republikës Jugosllave të Maqedonisë për përmirësimin e kontrolleve të kufirit dhe menaxhimin e migracionit, duke përfshirë kontrolle sistematike kufitare dhe mbikëqyrjen e kufirit, identifikimin dhe regjistrimin e shtetasve të vendeve të treta që kalojnë kufirin në mënyrë të rregullt dhe të parregullt, si dhe luftimin dhe parandalimin e emigrantëve-kontrabandës, trafikimit të qenieve njerëzore dhe krimit ndërkufitar në respekt të plotë të sundimit të ligjit dhe të drejtave themelore.
