Vijon telenovela, shtyhet për të dhjetën herë seanca për Arbër Çekaj

46

Shtyhet për të dhjetën herë seanca në Gjykatën Kundër Korrupsionit dhe Krimit të Organizuar për Arber Cekaj, Donaldo Lushaj, Armand Pezaku.

Të pandehurit akuzohen për trafikun e 613 kilogram kokaine të kapura në një kontenier në portin e Durrësit.

Avokati i Armand Pezakut, Ardian Visha kërkoi veçimin e çështjes së klientit të tij por Gjykata nuk e ka pranuar kërkesën e Vishës.

Avokati Ardian Visha deklaroi se konkluzionet e kësaj çështje janë gati që në datën 26 dhjetor por gjithsesi seancat shtyhen.

Donaldo Lushaj, Armando Pezaku dhe Çekaj dyshohet se kanë siguruar transportin nga Kolumbia në Portin e Durrësit për ta kaluar më pas në tregun Europian.

Arbër Çekaj u arrestua në Gjermani dhe u ekstradua në Shqipëri pas akuzave për 613 kilogram kokainë të kapur në portin e Durrësit.