Ujërat e zeza kanë shpërthyer në lagjen numër 2 të Librazhdit, gjatë punimeve që po bëhen në qytet nga kompania ALB STAR!!
Uji ka vërshuar në zonën ku ndodhen një çerdhe, gjimnazi i qytetit, qendra shëndetësore, policia e shumë biznese!
Banorët: Hap penxheren, era të mbyt.
Banori: Nga njëra anë pandemia, nga ana tjetër uji me fekale.
Kjo gjendje është në Librazhd nga e enjtja! Banorët thonë se situata është bërë e padurueshme!
Ndaj akuzat i kanë për firmën ALB STAR që kryen punimet dhe kryebashkiakun Kastriot Gurra që sipas tyre nuk u kërkon llogari dhe zgjidhjen e shpejtë!
Banori:Vandalizëm, nuk dinë të punojnë, nuk ka ustallarë.
Banori: Vijnë, mbërthejnë, zbërthejnë ikin prapë.
Banorja: Nuk e kuptoj neglizhencën
Në Librazhd po zbatohet një projekt me vlerë rreth 7 milion euro për rinovimin e rrjetit të ujësjellësit, dhe ndërtimin e impianteve të përpunimit të ujërave të zeza.
Por banorët kanë dyshime në cilësinë e punimeve që po shkaktojnë probleme në qytet, ashtu siç ndodhi me sheshin qendror që përmbytet sa herë ka shi.