Skandali i aferës 2 mld euro: Kompania hap zyrë luksoze për shitjen e apartamenteve në Portin e Durrësit pa u miratuar projekti

100
Sigal

Porti i Durrësit është kryefjala e debatit politik dhe akuzave të opozitës ndaj qeverisë e kryeministrit Edi Rama për korrupsionin, që fshihet pas tij.
Projekti është duke u diskutuar në komisionet parlamentare pasi u fut në mënyrë të përshpejtuar në Kuvend, për të shkuar drejt votimit. Megjithatë duket se qeveria do ta përfundojë atë që ka nisur.

Në Portin e Durrësit, të cilësuar nga opozita si një prej projekteve më korruptive të Europës, prej një viti është çelur një zyrë luksoze, e cila njeh të interesuarit me projektin dhe apartamentet që do të shiten.

Hapja e zyrave për shitjen e apartamenteve në Portin e Durrësit, të lë të kuptosh se votimi i projektit nga deputetët në seancë ka vlerë formale, se ai është i paracaktuar nga Kryeministri Edi Rama, dhe se ligjvënësit socialistë thjesht do të ngrenë kartonin jeshil, pa e vënë në diskutim nëse ky projekt është apo jo në interes të publikut.

Pranë zyrave luksoze të kompanisë “Eagle Hills” në Portin e Durrësit dhe mësoi se gjithkush mund të paraqitet dhe të prenotojë një apartament apo njësi shërbimi në këtë zonë. Çmimet për metër katror ende nuk janë përcaktuar zyrtarisht, por punonjësit e kompanisë thonë se ato do të jenë rreth 1500 euro për metër katror.

E ndërkohë që detajet e marrëveshjes janë duke u diskutuar në komisione parlamentare, kompania vazhdon e pa shqetësuar aktivitetin e saj tregtar duke e bërë fakt të kryer atë që maxhoranca pritet ta noterizojë këtë të enjte.