70 % e mësuesve në Korçë janë vaksinuar, ndërsa Sindikata e Arsimit të Pavarur në Korçë kundërshton vaksinimin e detyruar të mësuesve.
Përfaqësues të sindikatës deklarojnë se mësuesit nuk duhet të detyrohen për të bërë vaksinën, ndërsa sipas tyre mbetet e pazgjidhur problematika për shumë mësues që për arsye shëndetësore nuk mund të vaksinohen ndërsa kanë kërkuar që këta të fundit të bëjnë tamponin çdo javë, por shpenzimet të mbulohen nga shteti.
Aktualisht në Korçë janë 727 mësues pjesa më e madhe e të cilëve të vaksinuar ndërsa sipas drejtuesve të zyrës arsimore nuk ka ende një udhëzim se çfarë do të ndodhë me mësuesit e pavaksinuar.
