Ndërkohë që dita e sotme shënoi një rritje të ndjeshme të të prekurve me koronavirus, me 18 raste të reja, ministria e Shëndetësisë bën me dije se 77% e të prekurve tashmë janë të shëruar.
Sipas Ministrisë së Shëndetësisë, në të gjithë vendin aktualisht janë 173 persona aktivë me COVID19, kryesisht në Tiranë, Krujë, Shkodër, Kamëz.
“Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 19 pacientë dhe vetëm tre prej tyre janë në terapi intensive”- njoftoi ministria.
Me pak se 11% e të prekurve aktivë po marrin trajtim në spitalet Covid, pjesa tjetër ndiqet nga mjeku i familjes.
Nga fillimi i epidemisë, deri tani, në vendin tonë janë kryer 11769 testime, nga të cilat, 11239 janë testime molekulare dhe 530 janë testime serologjike.