Të rinjtë shkodranë dhe përfaqësues të Partisë Demokratike kanë protestuar sot në rrugët kryesore të Shkodrës. Në fokus të protestës ishte papunësia, mungesa e shanseve, tarifat e rritura të edukimit, për krimin që po sundon vendin, për kanabizimin e Shqipërisë.
Qindra të rinj dënuan penalizimin që Edi Rama po i bën Shkodrës me mosdhënie fondesh, vetëm për shkak se qytetarët atje nuk e votuan në zgjedhjet lokale. Gjithashtu, të rinjtë protestuan për faktin se në kushtet e varfërisë ekstreme, të përmbytjes e pasojave të saj, Edi Rama bën turistin në Amerikë.
Të rinj e Shkodrës gjithashtu denoncuan megallomaninë e Edi Ramës, i cili ndërhyri në fushatën e zgjedhjeve në Amerikë duke lëshuar fyerje për Presidentin Trump, çka rrezikon të dëmtojë interesat e vendit, duke dëmtuar raportet me aleatin më të rëndësishëm strategjik të Shqipërisë. Ata njëzëri thanë se distancohen nga këto qëndrime të Edi Ramës.
