Qëlloi me armë zjarri në ajër dhe kërcënoi të riun pas sherrit me të, arrestohet në Mat 26-vjeçari i shpallur në kërkim

108
Sigal

Policia e Matit vijon punën për kapjen e personave në kërkim dhe vënien e tyre para përgjegjësisë ligjore.

Gjatë aksionit të fundit, është ndaluar një 26-vjeçar, i dënuar më parë për krime kundër personit, armëbjajtjes pa leje dhe prodhimit e shitjes së lëndëve narkotike.

Njoftimi i policisë:

Specialistët për Hetimin e Krimit në Komisariatin e Policisë Mat, në vijim të punës për kapjen e personave në kërkim dhe vënien e tyre para përgjegjësisë ligjore, kanë kapur dhe ndaluar shtetasin në kërkim S. N., 26 vjeç, banues në Burrel.

Kapja dhe ndalimi i tij u bë pasi në datë 01 shtator 2020, në qytetin e Burrelit, pas një konflikti për motive të dobëta dyshohet se ka qëlluar me armë zjarri në ajër dhe kanosur një 26 vjeçar.

Për shtetasin e lartëpërmendur Gjykata e Rrethit Gjyqësor Mat ka vendosur masën e sigurimit personal “Arrest me burg”, i dyshuar për kryerjen e veprave penale “Mbajtja pa leje dhe prodhim i armëve, armëve shpërthyese e municioneve”, “Kanosje” dhe “ Prishje e qetësisë publike”.
Materialet procedurale do ti referohen Prokurorisë Mat për veprime të mëtejshme.