Një plagosje me armë zjarri ka ndodhur gjatë paradites së sotme në qendër të qytetit të Shkodrës, tek zona e këmbimit valutor.
Mësohet se i plagosuri ndodhet në gjendje të rëndë në spital dhe është futur menjëherë në sallën e operacionit. Ndaj tij është qëlluar katër herë.
Autori dyshohet se ka qenë duke lëvizur me biçikletë dhe pasi ka qëlluar është larguar në drejtim të kryqëzimit të ish-degës.
Policia dhe grupi hetimor ndodhen në vendngjarje. Po ashtu “blutë” janë vënë në ndjekje të autorit.
