Opinioni i Venecias/ Sot, Gjykata Kushtetuese merr në shqyrtim vettingun

460
Sigal

Gjykata Kushtetuese do të marrë sot  në shqyrtimin ligjin për vettingun.

Vendimi do të jepet pasi kjo gjykatë mori  në dorë zyrtarisht edhe materialin e ardhur nga opinioni i Venecias, i cili mësohet se ka mbërritur të premten e 17 dhjetorit.

Aktualisht, ligji i vettingut dhe me këtë edhe reforma në drejtësi dhe procesi i integrimit të Shqipërisë është pezulluar nga Gjykata Kushtetuese, pas padisë së Partisë Demokratike, e cila ligjin për kontrollin e figurës së gjyqtarëve dhe prokurorëve e vlerëson si antikushtetues.

PD ankimoi gjithashtu edhe ligjin për KLGJ dhe KLP.

Kundërshtimi kryesor i Partisë Demroaktike lidhet me mënyrën e zgjedhjes së 10 anëtarëve që Kuvendi zgjedh për në Këshillin e Lartë Gjyqësor dhe atë të Prokurorisë.

Sipas demokratëve, varianti që aktualisht është në fuqi i heq Kuvendit ekskluzivitetin e emërimit të këtyre anëtarëve, duke vendosur një komision “ad hoc”, që do të filtrojë kandidaturat nga Avokatia përpara se ato të shqyrtohen nga Kuvendi.