Njihuni me dhjetë ushqimet më të mira kundër inflamacionit kronik

499
Inflamacioni kronik bën që trupi të sulmojë gabimisht qelizat e veta. I nxitur shpesh nga shtimi në peshë, stresi dhe gjendjet gjenetike (nëse keni ekzemë ose sëmundjen Crohn), inflamacioni kronik mund të zgjasë për një kohë të gjatë dhe lidhet me gjendje si sëmundja kardiovaskulare, diabeti i tipit 2, artriti reumatoid dhe sëmundja inflamatore e zorrës.
Lajmi i mirë: Ky është një problem që në fakt mund të përmirësohet me ushqime. Ushqime të caktuara përmbajnë përbërës që luftojnë direkt inflamacionin, shkruan “shëndeti”.
Ja cilat janë disa nga ushqimet që luftojnë inflamacionin:

Peshku i yndyrshëm
Mmmm, salmoni. Omega 3 është një acid yndyror esencial që lufton inflamacionin dhe trupi jonë nuk e prodhon vetë. Kjo lloj yndyre mund të merret nga disa lloje peshqish, si salmoni apo tuna.
Perime të gjelbra
Perimet e gjelbra si spinaqi janë të pasur në vitamina dhe minerale esenciale, sidomos vitaminën K – që njihet për vetitë e saj anti-inflamatore.
Boronica
Boronicat kanë një sërë fibrash dhe antioksiduesish. Këto fruta pylli janë anti-inflamatorë gjithashtu. Një studim i vitit 2016, i publikuar tek revista Nature, ka treguar se konsumimi i boronicave mund të ndihmojë në parandalimin dhe trajtimin e sëmundjeve kardiovaskulare.
Fara liri
I shtoni ato tek drithërat, i përfshini në lëngje ose i konsumoni si ushqim i shpejtë për mesvakt. Një studim i vitit 2016 ka zbuluar se farat e lirit minimizojnë proteinën C-reaktive (CRP) – një tregues i inflamacionit që lidhet me sëmundjet kardivaskulare tek personat obezë.
Vaj ulliri
Studimet kanë treguar se përbërësi natyral oleocanthal tek vaji i ullirit ka efekte anti-inflamtore ngjashëm me ibuprofenin. Ushqyerja me dietën mesdhetare (që përmban edhe vajin e ullirit) është lidhur me një rrezik për të ulët për zhvillimin e sëmundjeve të zemrës dhe gjendjeve të tjera shëndetësore kronike të lidhura me inflamacionin.
Çaji jeshil
Me kalimin e kohës, trupi prodhon radikale të lira (molekula të dëmtuara që çojnë në plakje dhe sëmundje) për shkak të stresit dhe dietës së varfër. Çaji jeshil është i pasur me një antioksidues aktiv që ndihmon për të luftuar radikalet e lira që shkaktojnë inflamacion.
Avokado
Avokadot janë ndër burimet më të mira të acideve yndyrore omega 3, ku shumica prej nesh nuk i marrim mjaftueshëm nga dieta. Është ndonjëri për tost me avokado?
Perimet e familjes së lakrës
Brokoli, lulelakra, lakra, kale dhe lakrat e Brukselit janë të pasura në fibra. Ushqimet e pasura në fibra lulëzojnë bakterin e mirë në zorrë, ku nga ana tjetër ndihmon në luftimin e inflamacionit.
Sigal