Një helikopter i EULEX-it, që po fluturonte për qëllime trajnimi, është rrëzuar në aeroportin e Prishtinës rreth orës 15:00.
Ngjarja ka ndodhur në pistën ushtarake të aeroportit “Adem Jashari”, pistë që menaxhohet nga forcat e KFOR-it.
Sipas njoftimit zyrtat të autoriteteve aeroportuale, nga aksidenti ka mbetur i plagosur një person, i cili është dërguar menjëherë në spital për të marrë mjekimin e nevojshëm.
Identiteti apo kombësia e të plagosurit nuk bëhet me dije. Aeroporti është përkohësisht i mbyllur dhe do të aktivizohet pas kthimit të shërbimit të zjarrfikëses në kategorinë e kërkiar për operime.
Ekspertët e EULEX kanë nisur punën për zbardhjen e shkaqeve të incidentit dhe vetëm pas pas përfundimit të hetimeve pritet të japin të dhëna shtesë.
