Ndarja nga jeta e ish-futbollistit Astrit Guri, Meta mesazh ngushëllimi: Do e kujtojmë gjithmonë me nderim!

116
Sigal

Presidenti Ilir Meta ka ndarë një mesazh ngushëllimi për ndarjen nga jeta të ish-futbollistit të Skraparit, Astrit Guri.

Meta i shpreh mirënjohje Gurit për të gjitha kujtimet dhe emocionet e dhuruara, si dhe për personalitetin e shkëlqyer sportiv që ka përcjellë të të rinjtë.

Postimi i Ilir Metës:

I trishtuar nga lajmi për ndarjen e parakohshme nga jeta të ish-futbollistit të shquar të Skraparit, Astrit Guri.

Mirënjohje për kujtimet e paharruara dhe emocionet, që i dhuroi në veçanti komunitetit tonë në vitet ’70-’80, si dhe për personalitetin e shkëlqyer sportiv që krijoi duke u bërë një shembull frymëzimi për më të rinjtë.

Ngushëllime familjes së dashur Guri, miqve, bashkëlojtarëve dhe komunitetit të Skraparit, që do ta kujtojë gjithmonë me nderim!

Të prehet në paqen e merituar!