Ministri i Brendshëm thirrje bankave dhe zyrave private ta bëjnë pushim më 25 maj: Qarkullimi i mjeteve do të jetë i paralizuar

59
Sigal

Ministri i Brendshëm, Bledi Çuçi, iu ka bërë thirrje zyrave private dhe bankave që nuk ofrojnë shërbime, që ditën e mërkurë, më 25 maj, ta bëjnë ditë pushimi për shkak të finales së Ligës së Konferencës që do të luhet në stadiumin “Air Albania”.

Ministri i Brendshëm Bledi Çuçi:

I bëj thirrje të gjithë shqiptarëve që nuk kanë biletë e s’janë në Tiranë mos tentojnë të vijnë atë ditë në Tiranë se qyteti do jetë në dispozicion të tifozerive, miqve dhe atyre që kanë një biletë.

I bëj thirrje të gjithë binzeseve që nuk kanë lidhje me finalen, jo baret e restorantet, e gjithë bizneset e shërbimt, por të tjerat si bankat apo zyrat e ndryshme private që si kemi bërë me institucionet publike apo shkollat ta bëjnë e ata ta shpallin ditë pushimi të mërkurën se do jetë e paralizuar sa i takon qarkullimit të mjeteve gjithë Tirana.

Ne kemi marrë masa që cdo tifoz mik ti ketë dyert e hapura e gjithë kanalet e dedikuara në mënyrë që të aksesojnë Tiranën me formën sa më të lehtë e kollajtë.

Mos tentoni të vini në Tiranë të mërkurë, sepse Tirana do jetë e miqve nga Roterdami dhe Roma.