Një shtetas shqiptar ka përfunduar në prangat e policisë së Aleksandrisë në Itali nën akuzën e vrasjes së mbetur në tentativë dhe rezistencë ndaj zyrtarëve publikë si dhe mbajtjen e një thike.
Bëhet fjalë për të riun, Sokrat Hilaj, 22 vjeç lindur në Shqipëri por banues në Aleksandri, u përfshi në një sherr duke plagosur me thikë një të ri. Agjentët identifikuan një roje sigurie, e cila ishte me vështirësi në përpjekjen për të arrestuar Hilajn.
Gjatë aksionit të arrestimit, i riu shqiptar u përpoq të arratisej duke u përleshur fizikisht me forcat e rendit, aq sa u desh përdorimi i një sprai piper për ta neutralizuar.
Burri i plagosur, një bashkatdhetar 36-vjeçar i Hilajt u transportua nga urgjenca në spital. Hetimi paraprak rindërtoi dinamikën e ngjarjes. Kishte një zënkë mes dy shqiptarëve për arsye të kota jashtë supermarketit. 36-vjeçari, i cili ishte në shoqërinë e partneres së tij, u godit me thikë rreth 25 cm në gjoks.
Të dy burrat u ndanë më pas nga një oficer i mbikëqyrjes së supermarketeve dhe një roje sigurie që kalonte.
“Më jepni armën që do të vras”, tha 22-vjeçari para rojes, për fat pa arritur në synimin e tij.
Sot arrestimi është vërtetuar. 22-vjeçari, i pashkolluar, i nënshtrohet masës paraprake të arrestit shtëpiak deri në dënimin përfundimtar.
