Një person është mbytur këtë të shtunë në plazhin e “Pishe Poros” në Fier.
Ndërsa një tjetër, ndodhet në gjendje të rëndë.
I mbytur ka mbetur Fiqo Rexhepi, ndërsa Arben Alizoti ka arritur të shpëtojë.
Dy persona kanë rrezikuar të mbyten pasditen e së shtunës në plazhin e Pishe poros në Fier.
Të dëmtuarit janë transportuar në spitalin e Fierit, në gjendje të rëndë shëndetësore. Dy personave u është dhënë ndihma e parë nga policia dhe roja bregdetare.
Njoftimi i Policisë:
Pishë Poro, Darëzezë
Sot rreth orës 17:00, në plazhin publik në Pishë Poro, Darëzezë, shtetasit A. A., 47 vjeç dhe F. R., 60 vjeç, të dy banues në Fier, duke u larë në det kanë rrezikuar të mbyten.
Pushuesit që ishin pranë tyre dhe më pas punonjësit e Policisë që patrullojnë në bregdet, u kanë dhënë ndihmën e parë dhe i kanë çuar me ambulancë në spitalin e Fierit.
60- vjeçari ka ndërruar jetë rrugës për në spital ndërsa 47-vjeçari ndodhet në spital nën kujdesin e mjekëve.
Po punohet për zbardhjen e plotë të rrethanave të ngjarjes.
