Një aksident i rëndë ka ndodhur sot në Berat, ku një makinë ka shtypur një nxënës të vitit të parë në shkollën “Kristaq Capo”.
Shoferi i makinës tip BMW është larguar nga vendngjarja, ndërsa 15-vjeçari i aksidentuar ndodhet në gjendje të rëndë.
Gjimnazisti është transportuar me ambulancë drejt spitalit Rajonal Berat dhe ende nuk dihet identiteti i tij. Policia po punon për identifikimin dhe kapjen e shoferit të makinës.
Ende nuk dihen rrethanat, ndërsa policia ndodhet në vendin e aksidentit për të zbardhur shkaqet.
